“The Magician” Efren ‘Bata’ Reyes, handa nang magpapalit sa mas batang players makaraang mag-early exit sa 32nd SEA Games

Maagang nagpaalam sa 32nd Southeast Asian Games sa Cambodia ang Filipino cue artist at sports legend na si Efren “Bata” Reyes.

Nabigo si Reyes sa Cambodian bet na si Woo Donghoon, sa score na 40-15, sa round of 16 ng men’s 3-cushion carom singles event.

Bunsod nito, inamin ng 68-year old icon na tinaguriang “The Magician” na hindi na siya sigurado kung sasali pa siya sa susunod na SEA Games.

Idinagdag ni Reyes na handa na rin siyang magbigay daan sa mas batang mga player na nasa National Team. —sa panulat ni Lea Soriano