Inaasahang mailalabas sa loob ng isang linggo ang resulta ng medico-legal examination sa pagkamatay ng 14-anyos na mag-aaral matapos sampalin ng kanyang guro sa Peñafrancia Elementary School sa Antipolo City.
Sinabi ni Hector Sorra, Medico-legal Division Chief ng PNP Forensic Group, na karaniwang tumatagal ng 30-araw ang pagre-review sa Hispathology na ginagamitan ng microscope.
Gayunman, bibilisan aniya nila ang proseso, kasabay ng pagsasabing mailalabas lamang nila ang report sa pagkamatay ng Grade 5 pupil, kapag nakumpleto na ang review sa CT Scan at Hispathology.
Idinagdag ni Sorra na mayroon silang nakitang Pulmonary Tuberculosis sa baga ng estudyante. —sa panulat ni Lea Soriano
