Binalaan ng PNP Anti-Cyber Crime Group ang publiko laban sa mapanlokong lottery scam na palihim na nangangalap ng impormasyon upang makapag-nakaw.
Ayon kay PNP Anti-Cyber Crime Group Spokesperson P/Capt. Michelle Sabino, kadalasang modus ng mga ito ang pagpapadala ng email, text o social media messages na nanalo sa lotto ang receiver at kailangang tumawag sa numero o sagutin ang email na ibinigay. dito hihingan ng insurance fee, tax, bank fees at ibang bayarin.
Kaugnay nito, pinaalalahanan ng GCash ang publiko lalo ang mga e-wallet user kung paano ito maiiwasan.
Ayon sa GCash Philippines, pag-aralang mabuti ang mga mailers message na matatanggap at huwag ito basta i-click.
Tiyakin ding mananaya ka sa lotto para makatanggap ng mga mensaheng nanalo sa larong ito.
Kung kahina-hinala ang mga lottery winning message, makipag-ugnayan agad sa PNP-ACG sa kanilang hotline 09985988116 o kaya ay mag-message kay Gigi gamit ang official GCash help center app at i-type lamang ang “I want to report a scam”.
Maaari ring tumawag sa GCash hotline 2882 para sa ano mang katanungan o concerns.
