Nagkasundo ang Pilipinas at United Arab Emirates na palakasin pa ang kooperasyon sa kalakalan, tungo sa pagpapalalim ng ugnayang pang-ekonomiya.
Ito ay sa courtesy call ni UAE minister of investment Mohamed Hassan Alsuwaidi kay pangulong Ferdinand “Bongbong” Marcos Jr.
Ayon sa Pangulo, nasisiyahan siyang makita ang maraming larangan na maaaring pagtulungan ng dalawang bansa.
Isinulong naman ng UAE official ang pagdaragdag ng investment sa imprastraktura, industrial mining, telecommunications, data centers, healthcare, at iba pa.
Ipinabatid din nito ang pagkilala ng kanilang bansa sa Filipino nurses para sa mahusay na pag-aalaga sa mga pasyente.
