Pinaalalahanan ng Philippine Institute of Volcanology and Seismology (PHIVOLCS) ang mga residenteng malapit sa Mount Bulusan sa Sorsogon na mag-ingat sa posibleng pagdaloy ng lahar bunsod ng tumataas na aktibidad sa naturang bulkan.
Hanggang kaninang 9:00 ng umaga, nakapagtala ang PHIVOLCS ng kabuuang 116 na volcanic earthquakes malapit sa Mount Bulusan.
Bunsod nito, muling ipinaalala ng PHIVOLCS na bawal ang pagpasok sa 4-kilometer radius permanent danger zone, maging ang paglipad ng mga eroplano malapit sa bunganga ng bulkan na kasalukuyang nasa Alert level 1. —sa panulat ni Lea Soriano
