Hinimok ng Philippine Chamber of Agriculture and Food Inc. ang pamahalaan na i-secure ang pag-aangkat ng bigas sa harap ng naka-ambang P2 hanggang P4 dagdag-presyo sa kada kilo nito.
Ayon kay PCAFI President Danilo Fausto, kung dati ay nasa $420 hanggang $440 per metric ton ang bigas sa Vietnam, umaabot na ito ngayon sa $540 per metric ton.
Dahil dito, iminungkahi ni Fausto na dapat direktang makipag-negotiate ang Pilipinas sa ibang bansa upang maka-secure ng suplay ng bigas.
Subalit, sinabi ng Dept. of Agriculture na hindi maaaring mag-import ang bansa kung wala namang nararanasang shortage o kakulangan sa anumang produkto.
Sa kasalukuyan, nasa P49 kada kilo ang presyo ng local well-milled rice, habang P46 ang imported well-milled rice. —sa panulat ni Airiam Sancho
