Inamin ni Michelle Marquez Dee na umiyak siya sa backstage nang hindi siya makapasok sa Top 5 ng Miss Universe 2023.
Sinabi ni Michelle na dumiretso siya sa banyo matapos ianunsyo ang final five candidates na sasalang sa question and answer round.
Nanghihinayang pa rin si MMD dahil kung nakahawak siya ng mikropono ay alam niya sa sarili niya na kaya niyang magbigay ng pangmalakasang sagot.
Gayunman, inihayag ng aktres wala siyang pinagsisisihan at marami siyang natutunang aral sa paglahok sa pageant at sa pagsusulong ng Autism Awareness. —sa panulat ni Lea Soriano-Rivera
