Ilalagay sa red at yellow alerts ang Luzon, Visayas at Mindanao grid ngayong araw, bunsod ng kakulangan sa suplay ng kuryente.
Isasailalim sa Red Alert status ang Luzon Grid mamayang 3:00pm hanggang 4:00pm habang yellow alert status, mula kaninang 1:00pm hanggang 3:00pm at ibabalik 4:00pm hanggang 10:00pm.
Nakataas naman sa red alert ang status ng Visayas grid alas-12 kaninang tanghali na tatagal hanggang 5:00p.m at ibabalik ng 6:00p.m hanggang 8:00p.m, ibababa naman ito sa yellow alert status mamayang 5:00p.m hanggang 6:00pm at 8:00p.m hanggang 9:00p.m.
Simula naman kaninang 10:00a.m hanggang mamayang 4:00p.m., nakasailalim sa yellow alert ang Mindanao Grid.
