Magpapatupad ng liquor ban ang pamahalaang lungsod ng Maynila para sa pagdaraos ng nalalapit na halalan at Undas.
Ibig sabihin, ang pagkonsumo at pagbebenta ng anumang uri ng nakalalasing na inumin ay mahigpit na ipinagbabawal sa lungsod.
Batay sa Executive Order No. 34 na nilagdaan ni Manila Mayor Honey Lacuna-Pangan, ang liquor ban ay epektibo simula October 29 hanggang November 2, 2023.
Ayon sa Manila LGU, ang naturang kautusan ay para mapanatili ang kapayapaan sa pagdaraos BSKE sa October 30, at sa All Saint’s Day at All Souls’ Day sa November 1 at 2, hindi lang para sa mga Manileño kundi maging sa mga kalapit na lungsod. —ulat mula kay Felix Laban, DZME News
