Arestado ang isang lalake matapos makuhanan ng illegal na droga sa VIP parking sa Ninoy Aquino International Airport NAIA terminal 3 kagabi.
Kinilala ang suspek na si Norberto Espino 52 years old.
Sa initial na imbestigasyon ng PNP Avseu Police Sub-station 3, pumasok ang suspek sa VIP parking kung saan hindi siya otorisado na mag-park.
Hinarang pa ng guard ang suspek sakay ng minamaneho nitong dark gray Montero sport na may plakang OBE-206 subalit nagtuloy tuloy parin ito at binangga niya ang boom sa entrance ng VIP parking kaya’t tumawag ng backup ang security guard.
Agad naman dumating ang mga tauhan ng PNP avseu at NAIA PDEA-IADITG kung saan inaresto ni Patrolman Palaganas ang lulong pa umano sa iligal na droga na suspek.
Na-recover ng mga otoridad ang tatlong plastic sachet na naglalaman ng hinihinalang shabu na may bigat na limang gramo na may street value na aabot sa 34,000 ang halaga nito Kasama ang malalaking aluminum foil na katatapos lang gamitin ng suspek at drug paraphernalia.
Nasa kostudiya na ng NAIA-PDEA IADITG ang suspek na nakatakdang sampahan ng kaukulang kaso na may kaugnayan sa illegal drugs at driving without license. —ulat mula kay Tony Gildo, DZME News
