Tinapos ng Gilas Pilipinas ang kanilang kampanya sa Heyuan Wus International Basketball Tournament sa pamamagitan ng pagpapayuko sa Iran sa score na 63-48, sa China, kagabi.
Pinangunahan nina Dwight Ramos na may 17 points at 14 rebounds, at Kiefer Ravena na may 9 points, 6 assists, at 6 rebounds ang pambansang koponan para padapain sa ikalawang pagkakataon sa naturang tournament ang Iran.
Tinapos ng Gilas ang kanilang China Stint na may 3-1 win-loss record.
Uuwi ng bansa ang Pinoy Cagers para sa final stretch ng kanilang training camp kung saan inaasahang makakasama na sa squad sina Jordan Clarkson at Kai Sotto.
