Pinunan ni Alexandro Santiago ang bakanteng WBC World Bantamwieght Title kasunod ng unanimous decision sa kanilang bakbakan ni Nonito Donaire Jr., sa T-Mobile Arena sa Las Vegas, Nevada.
Nakamit ng 27-anyos na Mexican Boxer ang kanyang first world title sa kanyang career sa pamamagitan ng pagpapayuko sa 40-anyos na “Filipino Flash.”
Napanood sa laban na hindi na masabayan ng Pinoy boxer ang mas bata at mas mabilis na kalaban na sunod-sunod na nagpapakawala ng mga suntok.
Inamin ni Donaire na disappointed siya pero maayos pa rin ang kanyang pakiramdam at sobrang mahal niya ang boksing. —sa panulat ni Lea Soriano
