Nakapagtala ng panibagong kasaysayan ang Philippine Women’s National Football Team makaraang makamit ang kauna-unahang panalo sa 2023 FIFA World Cup.
Pinadapa ng Filipinas ang host na New Zealand sa score na 1-0, sa Wellington, kahapon.
Si Sarina Bolden ang nagbigay ng First-ever World Cup Goal para sa debuting Filipinas sa pamamagitan ng header sa 24th minute.
Sunod na makakalaban ng Filipinas ang koponan ng Norway, sa linggo para maka-abante sa Round of 16.
Tanging Top 2 teams mula sa bawat grupo ang makakakuha ng ticket para sa susunod na round. —sa panulat ni Lea Soriano
