Isiniwalat ni Ellen Adarna ang planong pagbubuntis ngayong taon.
Sinabi ni Ellen na gaya ng kanyang mister na si Derek Ramsay ay pahinga muna siya sa Showbiz, dahil bukod sa napapagod siya sa mga taping ay balak na nga nilang mag-asawa na magkaroon ng sariling anak.
Aniya, babae ang gusto nilang anak ni Derek sakaling palarin siyang magbuntis dahil parehong lalaki ang kanilang mga anak.
Si Elias na magli-limang taong gulang na ay anak ni Ellen sa dating karelasyon na si John Lloyd Cruz habang si Derek ay may isa ring anak na lalaki, si Austin, na 19 years old, mula sa dating asawa na si Mary Christine Jolly.
