Tiniyak ng Department of Social Welfare and Development o DSWD na mananatiling tuloy-tuloy ang serbisyo sa kabila ng pagpapatupad ng four-day work week.
Binigyang-diin ni DSWD Spokesperson Assistant Secretary Irene Dumlao na mananatiling operational buong linggo ang mga frontline services ng kagawaran.
Kabilang sa mga hindi titigil ang operasyon ang kanilang Disaster Response Command Center, Assistance to Individuals in Crisis Situations, Pag-Abot Program, Minors Traveling Abroad, Walang Gutom Program, at Centers and Residential Care Facilities.
Aniya, ang mga programang ito ay hindi maantala alinsunod sa Memorandum Circular 114 para sa pagpapatupad ng compressed work week arrangements. | via Ara Siervo
