Napahiya ang Deputy Mayor sa Helsinki, sa Finland makaraang mahuling nag-i-spray ng graffitti, na may katapat na 3,500 euros o $3,834 na multa at parusang paglilinis.
Nahuli ng mga guwardiya si Paavo Arhinmaki, 46-taong gulang, at isa nitong kaibigan makaraang matapos nilang dalawa ang kanilang graffitti sa railway tunnel wall sa Vantaa, sa Southern Finland.
Kasama sa graffiti ng deputy mayor ang mga katagang “World Domination and Great Career Movez.”
Sinabi ni Regional Maintenance Manager Eero Liehu mula sa Finnish Transport Infrastructure Agency na mahigit tatlong oras ang isinagawang paglilinis. —sa panulat ni Lea Soriano
