Pumalo na sa dalawang katao ang nasawi makaraang lumubog ang isang bangka sa karagatang sakop ng Baganga, Davao Oriental.
Ayon sa Philippine Coast Guard, narekober ng isang crew mula sa L/B OBET 3 ang bangkay na kinilala bilang isa sa mga nawawalang crew ng fishing boat na Genesis 2.
Mula sa 23 crew, 14 dito ang nasagip ng BRP Tubbataha, habang 7 katao pa ang patuloy na hinahanap.
Kahapon, June 22, nang sabihin ng kapitan ng Genesis 2 na nakaranas sila ng biglaang pagbabago sa kondisyon ng dagat bandang alas-12 ng hatinggabi, na dahilan para lumubog ang sinasakyang bangka. —sa panulat ni Airiam Sancho
