Sinibak na ng Supreme Court ang dating pulis na nakuhanan ng video na kinasahan ng baril ang nakaalitang siklista sa Quezon City.
Kagabi ay kinumpirma ng Korte Suprema na empleyado nila si Wilfredo Gonzales, subalit agad nilang tinerminate noong linggo, Aug. 27, matapos madiskubre ang kinasangkutan nitong insidente.
Sa statement ng SC, si Gonzales ay coterminous employee sa opisina ni Associate Justice Ricardo Rosario.
Binigyang diin din sa pahayag na hindi kinukunsinti ni Justice Rosario ang anumang uri ng karahasan at pang-aabuso. —sa panulat ni Lea Soriano
