Abiso sa mga motorista!
Asahan ang dagdag-bawas sa presyo ng mga produktong petrolyo sa susunod na Linggo.
Ayon kay Department of Energy-Oil Industry Management Bureau Assistant Director Rodela Romero, lumabas sa 4-day trading ng Mean of Platts Singapore (MOPS) ng mga produkto ng langis, magkakaroon ng taas-presyo sa gasolina at diesel.
Batay sa MOPS mula May 15 hanggang 18 posibleng umabot sa P0.36/ litro ang dagdag-singil sa gasolina.
Habang inaasahang tataas ng P0.31/litro ang halaga ng diesel.
Samantala, posible namang matapyasan ng P1.17/ litro ang presyo ng kerosene.
