Ang bagoong o shrimp paste ay isa sa itinuturing na exotic ingredients sa oriental cuisine.
Ang fermented condiment na ito ay gawa sa maliliit na isda at hipon na kilalang may hindi kaaya-ayang amoy subalit may masarap na lasa.
Taglay ng bagoong ang selenium, Vitamin B12, at Antioxidant na Astaxanthin.
Maliban dito, mayroon itong Vitamin D at phosphorus na mainam sa kalusugan ng buto upang maiwasan ang pagkakaroon ng osteoporosis at bone fractures.
Maganda rin ang pagkain ng bagoong sa brain health dahil sa Vit. B 12 at Omega -3 Fatty Acids na nagtataguyod sa maayos na paggana ng utak.
Naibibigay din ng bagoong ang tryptophan na nakapagpapaganda ng mood dahil sa nailalabas nito ang serotonine o happy hormone.
Ngunit paalala pa rin na huwag lalabis sa pagkunsumo ng bagoong dahil mataas ito sa sodium o asin. —sa panulat ni Airiam Sancho
