May iba’t ibang dahilan kung bakit hindi dapat inumin ang ilang partikular na supplements sa gabi.
Mayroon kasing supplements na nagtataglay ng sugar o caffeine kaya maari itong magresulta ng problema sa pagtulog.
Kabilang sa mga supplements na hindi dapat inumin sa gabi ay ang Vitamin B na mas effective inumin sa umaga dahil nagbibigay ito ng energy para sa maghapong aktibidad, gayundin ang multivitamins at energy herbs.
Mas mainam din na huwag uminom ng Vitamin D sa gabi dahil posibleng mabawasan nito ang production ng melatonin na sleep hormone, at calcium na maaari namang makaapekto sa isa pang supplement na magnesium na nagpo-promote ng relaxation.
Hindi rin epektibong inumin sa gabi ang Vitamin C dahil acidic ito at maaring magdulot ng problema kapag ininom ng walang lamang ang tiyan, gayundin ang zinc na karaniwang bahagi ng multivitamins subalit maaring inumin ng solo o kumbinasyon kasama ng Vitamin C. —sa panulat ni Lea Soriano
