Maganda ang prutas sa katawan, kailangan lamang ay kainin ito nang hinog upang maayos itong mada-digest at makapagbigay sa atin ng lakas o enerhiya.
Mayroong mga prutas na tinatawag na power-packed combos, gaya ng kumbinasyon ng cherry, pineapple, at blueberry.
Ang pinya ay siksik sa Vitamin C at nagtataglay ng enzyme na bromelain na nakababawas sa pamamaga ng gut o bituka, nagpapalakas ng immune function, at nag-i-stimulate ng protein digestion.
Mainam na samahan ito ng blueberries na loaded naman ng Anti-oxidants at Vitamins A, C at E, pati na ng cherries na mataas ang phenolic compounds, upang magkaroon ng mas malakas na Anti-inflammatory punch. —sa panulat ni Lea Soriano
