Posibleng magsara ang nasa 100 pribadong unibersidad sa bansa dahil sa kakulangan ng pinansyal.
Ayon kay House Senior Deputy Minority Leader Rep. Paul Daza, ito’y dahil mayroong P6-B utang ang Commission on Higher Education (CHED) sa mga ito kung saan mayorya aniya rito ang mga kolehiyo sa Mindanao Region.
Nabatid na nag-ugat ang pagkakautang matapos hindi makapagbayad ang CHED ng tuition reimbursements sa ilang private universities na kabilang sa mga nag-implementa ng Free Tuition Program ng gobyerno sa ilalim ng Republic Act 10931 o ang Free Access to Tertiary Education Act.
Sa ngayon, aabot na sa 44% ang bilang ng mga mahihirap na estudyante na piniling mag-drop out, na patuloy pang tumataas.
