Nag-deploy ang Philippine Coast Guard (PCG) ng aircraft para tapatan ang presensya ng isang Chinese research ship sa katubigang nasasakupan ng bansa.
Ito ang inanunsyo ni PCG Spokesperson for the West Philippine Sea, Commodore Jay Tarriela, sa Kapihan sa Manila Bay Media Forum, kanina.
Una nang inihayag kagabi ni Sealight Director Ray Powell, na paulit-ulit na namataan ang research vessel na “Song Hang” sa loob ng 25 nautical miles sa iba’t ibang isla, kabilang ang Luzon.
Sa impormasyong nakalap ni Powell, umalis ang 85-meter vessel mula sa Shanghai, China noong March 26.
