Sinibak na sa pwesto ang dalawang pulis na umano’y sangkot sa pagpapakalat ng crime scene video ng aktor na si Ronaldo Valdez.
Ito ang inihayag ni Phil. National Police Spokesperson Col. Jean Fajardo matapos nitong maka-usap si Quezon City Police District (QCPD) Chief Police Brigadier Gen. Rederico Maranan.
Ani Fajardo, ni-relieve na ni Maranan ang first responder at station commander nito upang tingnan ang kanilang liability.
Sa ngayon, hawak ng QCPD ang dalawang pulis habang nakabinbin pa ang imbestigasyon, kung saan maaaring harapin ng mga ito ang kriminal at administratibong reklamo. —sa panulat ni Airiam Sancho
