Magsisimula na bukas, August 8, ang 12-oras na water service interruptions sa Las Piñas, Bacoor, at Imus City sa Cavite na tatagal hanggang November 2.
Ayon sa Maynilad, ipatutupad ang daily water service interruptions simula ala-5 ng hapon hanggang ala-6 ng umaga, kinabukasan, bunsod pa rin ito ng papalitang 14 na ultrafiltration (UF) membranes ng Putatan Water Treatment Plant.
Sinabi pa ng Maynilad na may mga araw pa rin namang posibleng hindi mawalan ng tubig ang mga residente na dedepende anila sa dami ng tubig na kayang iproseso sa mga treatment plant.
