Aabot sa ₱72 million na halaga ng mga pekeng produkto ang nasamsam ng team ng National Bureau of Investigation (NBI) sa Bulacan.
Nadiskubre ng NBI Team ang iba’t ibang kagamitan sa paggawa ng mga pekeng shampoo, sabon, at cologne sa loob ng isang warehouse sa bayan ng Bustos.
Sa kalapit naman na Munisipalidad ng Marilao, ni-raid ng mga awtoridad ang isa pang warehouse kung saan natagpuan ang mga pekeng hygiene products.
Ayon sa NBI, ang mga pekeng produkto ay ibinebenta sa maliliit na establisyimento at online shops. —sa panulat ni Lea Soriano-Rivera
