Pormal nang inanyayahan ng House Committee on Justice si Vice President Sara Duterte na dumalo sa regular meeting na gaganapin sa March 25, 2026, alas Diyes ng umaga sa People’s Center Building ng House of Representatives.
Sa official letter na naka address kay VP Duterte, nakasaad sa agenda ang ‘discussion on impeachment hearing ground rules; initial hearing sa impeachment files nila Reverend Father Joel Saballa, et. al. na inindorso ni Rep. Leila de Lima, at Atty. Nathaniel Cabrera na sina Rep. Benny Abante Jr. at deputy Speaker Paolo Ortega V ang mga endorsers.
Kasama rin sa agenda ang pag akto sa pending motions and/or requests for subpoena; schedule ng mga susunod na pagdinig, at determination of resource speakers/witnesses na iimbitahan sa April 14, 2026 hearing.
Dahil dito bilang respondent ng dalawang impeachment complaint inaanyayahan siya na personal na dumalo sa gagawing meeting sa March 25.
Ang sulat ay pinirmahan ni Congw. Gerville “Jinky Bitrics” Luistro bilang chairperson ng House Committee on Justice.
