Inaasahan ang “danger level” na heat index o damang init sa tatlong lugar sa Luzon, ngayong Miyerkules.
Batay sa bulletin ng PAGASA, posibleng umabot sa 43°C ang heat index sa Dagupan City sa Pangasinan.
Tinaya naman sa 42°C ang damang init na mararanasan sa Iba, Zambales at Virac (Synop), Catanduanes.
Samantala, sa Metro Manila, inaasahang aabot sa 40°C ang heat index sa NAIA Pasay City habang 36°C sa Science Garden sa Quezon City.
