Itinaas ang Tropical Cyclone Signal No. 1 sa 23 lugar sa Luzon, Visayas, at Mindanao dahil sa Tropical Depression Verbena, ayon sa PAGASA.
Sa Luzon, sakop ng Signal No. 1 ang southern portion ng Occidental Mindoro at Oriental Mindoro, pati ang Romblon at mainland Masbate.
Sa Visayas, kabilang sa mga apektadong lugar ang central at southern portion ng Eastern Samar at Samar, Biliran, Leyte, southern Leyte, northern at central portion ng Cebu kasama ang Bantayan at Camotes Islands, Bohol, northern portion ng Negros Occidental, northern portion ng Negros Oriental, Iloilo, Capiz, Aklan, Antique kabilang ang Caluya Islands, at Guimaras.
Sa Mindanao, sakop ng Signal No. 1 ang Dinagat Islands, Surigao del Norte kasama ang Siargao at Bucas Grande Islands, northern portion ng Surigao del Sur, at northern portion ng Agusan del Norte.
