Kinumpirma ni Sen. Raffy Tulfo na darating na mamayang alas-5:05 ang kapatid ni dismissed Mayor Alice Guo na si Sheila Guo at kasamang si Cassandra Li Ong, sa NAIA Terminal 1 mula sa Jakarta, Indonesia.
Agad namang aarestuhin ng mga miyembro ng Office of the Sergeant-At-Arms si Sheila sa NAIA sa bisa ng warrant of arrest na inilabas ng Senado.
Ayon kay Senate President Francis Escudero, sa kasalukuyan ay nakikipag-ugnayan na si Senate Sgt At Arms Roberto Ancan sa MIAA para sa pagkuha ng kustodiya kay Shiela.
Kinumpirma rin ni Escudero na pinag-uusapan na rin ang posibleng citation in contempt laban kay Ong matapos na hindi ito tumugon sa inilabas na subpoena laban sa kanya.
Gayunman, posibleng sa kamara naman idiretso si Ong dahil mayroon standing warrant of arrest laban sa kanya ang mga kongresista.
