Pabor si Sen. Ramon Bong Revilla Jr. sa panawagan ng Armed Forces of the Philippines na maging handa na ang bansa sa posibleng pagsakop ng China sa Taiwan.
Sinabi ni Revilla na kung kailangang ma-repatriate o iuwi sa Pilipinas ang mga Pinoy sa Taiwan ay dapat itong gawin.
Dapat aniyang tiyakin ang kaligtasan ng bawat isang Pilipino sa Taiwan.
Kasabay nito, pinuri ni Sen. Sherwin Gatchalian ang proactive na posisyon ng AFP sa paghahanda ng rescue operations para sa mga pinoy sa Taiwan.
Binigyang-diin ni Gatchalian na mahalagang magkaroon ng well-coordinated contigency plan ang Department of Foreign Affairs, Department of Migrant Workers at ang Overseas Workers Welfare Administration para matiyak ang kaligtasan at kapakanan ng mga OFW.
Kailangan din aniyang mayroong klaro at tiyak na protocol para sa evacuation, repatriation at crisis management.
Dapat din aniyang tiyakin na bawat OFW ay magkakaroon ng mabilis na access sa mga mahahalagang serbisyo gaya ng temporary shelter, pagkain, tubig, serbisyong medikal at transportasyon.
