Idineklara ng Sandiganbayan 6th Division si dating Ako Bicol Partylist Rep. Zaldy Co bilang “fugitive from justice.”
Sa 16-page resolution na may petsang Feb. 3, bahagyang kinatigan ng dibisyon ang urgent ex-parte motion ng prosecution para ideklarang pugante si Co.
Ibig sabihin nito, hindi na maaring lumahok ang dating mambabatas sa instant proceedings at humiling ng anumang judicial relief mula sa korte.
Bukod dito, inihayag din ng Sixth Division na hindi na entitled si Co sa mga notices hangga’t hindi ito sumusuko.
Nahaharap si Co sa warrant of arrest na inilabas ng Sandiganbayan matapos kasuhan ng graft and malversation kaugnay ng umano’y maanomalyang road dike project sa Naujan, Oriental Mindoro.
