Pumayag si Russian President Vladimir Putin na pansamantalang itigil ang pag-atake sa Ukrainian energy facilities.
Gayunman, tumanggi itong i-endorso ang full 30-day ceasefire na hinihirit ni US President Donald Trump na unang hakbang para sa permanent peace deal.
Inihayag ng White House na agad sisimulan ang negosasyon sa maritime ceasefire sa Black Sea, pati na ang mas kumpletong ceasefire at permanent peace deal, kasunod ng mahabang pag-uusap sa telepono sa pagitan nina Trump at Putin.
Hindi pa malinaw kung kasama ang Ukraine sa negosasyon, kung saan si US Special Envoy to the Middle East Steve Witkoff ang kakatawan kay Trump, sa Jeddah, Saudi Arabia sa Linggo.
