Pinayagan na ng Manila Regional Trial Court Branch 21 si PDL Ramil Madriaga na dumalo sa impeachment proceeding sa House Committee on Justice sa April 14, 2026.
Sa ibinahaging dokumento ni Bicol Saro Party-list Rep. Terry Ridon, pinagbigyan ni Presiding Judge Alma Crispina B. Collado-Lacorte ang request ni Rep. Gerville Luistro at Speaker Faustino Bojie Dy III na magtungo si Madriaga sa HOR mula alas otso (8:00) ng umaga hanggang alas singko (5:00) ng hapon with proper jail escorts.
Inatasan na rin ni Judge Collado-Lacorte ang jail warden ng MMDJ Annex 2 na magsumite ng kaukulang report limang (5) araw matapos ang April 14.
Ang request ng House Committee on Justice ay bilang bahagi ng ginagawang pagsusuri sa impeachment complaints na kinakaharap ni Vice President Sara Duterte.
Si Madriaga na umano’y bagman ay ikinokonsidera bilang “vital witness” sa impeachment na kinakaharap ni Vice President Sara Duterte.
