Inaprubahan ng Economy and Development (ED) Council na pinamumunuan ni Pangulong Ferdinand Marcos Jr. ang proposed three-term school calendar ng Department of Education (DepEd) simula sa school year 2026-2027.
Sa statement, sinabi ng Department of Economy, Planning, and Development (Dep-Dev) na inaprubahan ang panukala sa ikawalong meeting ng council, kahapon.
Inilarawan ng ED Council ang hakbang bilang “critical step tungo sa pagpapaunlad ng edukasyon sa bansa.”
Sa ilalim ng panukala, hahatiin ang 201 school days sa tatlong terms, na ang bawat isa ay continuous and structured lessons at student tasks.
