Binabantayin na rin ng Philippine Institute of Volcanology and Seismology (PHIVOLCS) ang Bulkang Kanlaon sa kabila ng pagaalburoto ng mga Bulkang Mayon at Taal.
Base sa 24-hour monitoring ng PHIVOLCS, nakapagtala ang bulkan ng halos tatlong volcanic earthquakes.
Nananatili rin ang paglabas ng 1,089 tonelada ng asupre o sulfur dioxide sa bunganga ng bulkan.
Kumpara kahapon ay mahina lamang ang pagsingaw na na-monitor sa Bulkang Kanlaon pero hangang sa ngayon patuloy parin ang pamamaga paglabas din ng usok sa bunganga ng bulkan.
Sa ngayon ay nasa ilalim ng Alert Level 1 ang Bulkang Kanlaon kaya patuloy na pinapaalahanan ang lahat na ipinagbabawal ang pagpasok sa 4-kilometer radius Permanent Danger Zone (PDZ) at ang pagpapalipad ng anumang aircraft malapit sa bunganga ng bulkan. —sa ulat ni Jay de Castro, DZME News
