Naghayag ng pasasalamat si Lanao del Sur Rep. Zia Alonto Adiong kay Pres. Ferdinand Marcos Jr. sa paglagda nito sa RA 12317.
Ayon kay Adiong, chairman ng House Committee on Suffrage and Electoral Reforms, landmark legislation ang RA 12317 dahil pinalalakas nito ang democratic governance sa BARMM.
Aniya, napakahalaga ng batas na ito sa BARMM dahil nagdudulot ito ng kapayapaan at maayos na transition sa fully elected parliament, at pag-empower sa mga mamamayan nito.
Ang RA No. 12317 ay amendments sa Sec. 13, Art. XVI ng RA 11054 o Organic Law of BARMM, at nag-reset sa first regular parliamentary elections sa BARMM sa second Monday ng September 2026.
Bukod sa Pangulo, pinasalamatan din ni Adiong sina Speaker Faustino “Bojie” Dy III, Majority Leader Sandro Marcos, mga kasamahang kongresista, senador at Bangsamoro government sa ilalim ni Chief Minister Abdulraof Macacua.
