Nasa Singapore na si Pangulong Ferdinand “Bongbong” Marcos Jr., matapos ang kauna-unahan niyang state visit sa Brunei.
Sa pag-bisita sa Singapore, sasabak ang pangulo sa bilateral meeting kina Singaporean President Tharman Shanmugaratnam, Singaporean Prime Minister Lawrence Wong, at former Singapore PM Lee Hsien Loong na itong nag-imbita sa kanya.
Bukod dito, magbibigay din si Marcos ng kanyang keynote address sa Shangri-la dialogue, kung saan inaasahang babanggitin nito ang sigalot sa West Philippine Sea.
Sinabi naman ni Marcos na ang pagkakapili sa kanyang keynote speaker sa Shangri-la forum ay napakahalaga sa gitna ng kinahaharap na mga hamon ng Pilipinas, na nakaa-apekto hindi lamang sa rehiyon kundi sa buong mundo.
Kaugnay dito, tiniyak ng pangulo na bibigyang-diin niya ang tindig ng Pilipinas sa mga aspektong legal, geopolitical, at diplomasya.
