Nagtalaga si Pangulong Ferdinand “Bongbong” Marcos Jr. ng mga bagong opisyal sa iba’t ibang ahensya ng gobyerno.
Pinangalanan si Monina Josefina Romualdez bilang bagong undersecretary ng Department of Social Welfare and Development (DSWD).
Samantala, nanumpa na sa pwesto sa Malakanyang si Jonathan Tan bilang Administrator at Chairman ng Board of Directors ng Subic Bay Metropolitan Authority.
Itinalaga rin si Michael Ted Macapagal bilang acting Chairman at Member ng Board of Directors ng Philippine National Railways, at Eugolio Agatep II bilang acting board member.
Acting general manager naman ng Philippine Fisheries Development Authority si Glen Pangapalan, Deputy Commissioner III ng Bureau of Immigration si Daniel Laogan, Deputy Executive Director IV ng Office for Alternative Dispute Resolution si Krista Gem Santos, Executive Director ng National Commission on Indigenous People si Mervyn Espadero, at Governor ng Board of Investments si Marjorie Ramos-Samaniego. —sa ulat ni Harley Valbuena
