Ipinag-utos ni Pangulong Ferdinand “Bongbong” Marcos Jr. ang pagtatatag ng special economic zone sa Victoria, Tarlac.
Sa Proclamation no. 623, iniutos ng Pangulo ang paglalaan ng ilang bahagi ng lupa sa Brgy. Baculong sa Victoria para sa special ecozone.
Tatawagin ito bilang Victoria Industrial Park.
Sinabi ni Marcos na ang utos ay alinsunod sa rekomendasyon ng Board of Directors ng Philippine Economic Zone Authority.
Ang special ecozones ay maaaring pagtayuan ng agro-industrial at industrial sites, tourist o recreational facilities, commercial, banking, investment, at financial centers.
