Handa si Pangulong Ferdinand Marcos Jr. na sumailalim sa lifestyle check, ayon sa Malacañang.
Binigyang-diin ni Palace Press Officer Undersecretary Claire Castro na lahat ng miyembro ng sangay ng ehekutibo ay handang sumalang sa lifestyle checks.
Kahapon, nagpahayag ng suporta ang ilang kongresista sa ipinag-utos na lifestyle check ng Pangulo sa gitna ng imbestigasyon sa mga palpak na flood control projects.
Samantala, ilang mambabatas mula sa oposisyon ang nagsabing dapat pangunahan mismo ng punong ehekutibo ang pagsalang sa lifestyle check upang hindi lumabas na walang saysay at hindi transparent ang kanyang direktiba.
