Kinumpirma rin ng Presidential Anti-Organized Crime Commission (PAOCC) na nakapuslit palabas ng bansa si dismissed Mayor Alice Guo, batay sa Immigration records ng foreign counterparts ng Pilipinas.
Ayon kay PAOCC Spokesperson Winston Casio, dumating si Guo sa Kuala Lumpur sa Malaysia mula sa Denpasar, Indonesia sa pamamagitan ng BATIK AIR 177 noong July 18.
Makalipas aniya ang tatlong araw, July 21, ay lumapag sa Singapore mula sa Kuala Lumpur si Guo sa pamamagitan ng JETSTAR Asia 686.
Idinagdag ni Casio na nito lamang linggo, Aug. 18, ay dumating ang dating alkalde sa Batham, Indonesia mula sa Singapore sa pamamagitan ng ferry boat.
