Hindi pinag-uusapan sa Palasyo ang pagpapalit kay Tourism Secretary Christina Frasco, sa gitna ng mga batikos laban sa kanya.
Una nang inakusahan si Frasco na ginagamit ang government-funded tourism programs para umano sa “self-promoted.”
Tinanong kasi ng media si Palace Press Officer Undersecretary Atty. Claire Castro kung si Philippine Sports Commission (PSC) Chairman Patrick “Pato” Gregorio ang papalit kay Frasco bilang pinuno ng Department of Tourism.
Noong nakaraang linggo ay sinabi ni Castro na wala ng mangyayaring balasahan sa gabinete ng Marcos Administration.
Sa hearing Senate Committee noong Martes ay iprinisinta ni Senator Raffy Tulfo ang slides ng magazines at promotional materials, kung saan makikita ang malaking larawan ni Frasco.
