Naghain ng petisyon ngayong araw sa Korte Suprema sina Former Commission on Elections (COMELEC) Chairman Christian Monsod, at Atty. Barry Gutierrez III, tagapagsalita ni dating Vice President Leni Robredo, kaugnay sa ₱125 milyong pisong pondo ng opisina ni Pangulong Bongbong Marcos patungo Tanggapan ni Vice President Sara Duterte.
Sa isang 49-pahinang Petition for Certiorari, hiniling ng mga petitioner sa Korte Suprema na ideklarang “unconstitutional” ang ginawang paglilipat ng pondo.
Pangunahing respondent ay ang Office of the Vice President, Executive Secretary Lucas Bersamin, at Budget Secretary Amenah Pangandaman.
Kasama sa mga petitioner sina dating Finance Undersecretary Maria Cielo Magno, Imelda Nicolas, Katrina Monsod, Ray Paolo Santiago, Honorio Poblador III, Augusto Lagman, Vicente Romano III, Rex Drilon, at Miguel Jugo.
—Ulat ni Joana Marie Luna, DZME News
