NAGSIMULA na ang pagdinig ng ad hoc committee ng Senado na tinawag na Proactive Response and Oversight for Timely and Effective Crisis Strategy Committee o PROTECT.
Ayon kay Adhoc Committee chairman Sherwin Gatchalian, target nilang makapaglatag ng mga konkretong resulta at bumuo ng komprehensibong contingency framework sa loob ng isa hanggang dalawang linggo.
Binuo ang kumite bilang proactive ba hakbang ng Senado kasunod ng iba’t ibang hamong kinakakaharap ng bansa dulot ng kagukuhan sa Middle East.
Una rito nagsagawa ang panel ng scenario-building kabilang ang worst-case projection kung saan maaaring tumagal ng hanggang anim na buwan ang sigalot at umabot sa 200 dollars kada bariles ang presyo ng langis sa pandaigdigang merkado.
Iginiit ni Gatchalian na dapat maging handa ang bansa na magpatupad ng angkop at nararapat na contingency plan.
Kabilang sa humaharap ngayon sa pagdinig ang Department of Foreign Affairs, Department of Energy, Department of Migrant Workers, Department of Agriculture, Department of Trade and Industry, Department of Social Welfare and Development, Department of Budget and Management, Department of Finance at iba pa.
