Sa kabila ng nararanasang madalas na pag-ulan nitong mga nakaraang araw, nilinaw ng PAGASA na hindi pa opisyal na nagsisimula ang tag-ulan sa bansa.
Sinabi ni Pagasa Weather Specialist Veronica Torres na may ilan pang mga kondisyon na kailangang maisakatuparan bago ideklara ng ahensya ang pagsisimula ng rainy season.
Idinagdag ni Torres na patuloy na mino-monitor ng pagasa ang western section ng bansa.
Kabilang aniya sa kanilang binabantayan ay ang Laoag City sa Ilocos Norte; Vigan City sa Ilocos Sur; Dagupan City sa Pangasinan; Zambales; San Jose sa Occidental Mindoro; PAGASA Science Garden sa Quezon City; NAIA sa Pasay; at Batangas.
