Tumanggap ng cash, bigas, at iba pang in-kind donation ang Asilo de San Vicente de Paul Orphanage sa Maynila mula sa kauna-unahang outreach mission ng Malacañang Press Corps (MPC).
Pinangunahan ni MPC President Pia Gutierrez at iba pang MPC officers at members ang pag-turnover ng P36,000 cash, 10 sako ng 50-kilograms na bigas, at iba pang in-kind donation.
Bukod dito, nakiisa at nagpaabot din ng tulong ang Presidential Photojournalists Association, Malacañang Cameramen Association, at Presidential Communications Office.
Sa kasalukuyan ay nasa humigit-kumulang tatlumpung bata ang inaaruga ng Asilo de San Vicente de Paul.
Inaasahan namang ipagpapatuloy ng MPC ang outreach projects katuwang ang iba pang media groups na nagco-cover sa Palasyo. –sa ulat ni Harley Valbuena, DZME News
