Muling nagsama-sama ang original hosts at production staff ng “Eat Bulaga!” sa tanggapan ng TV5 sa Mandaluyong bago ang kanilang unang show sa network.
Sa kanilang official Facebook account, pinangunahan ni Ryan Agoncillo ang live video habang ipinakikita ang iba pang hosts at staff.
Kasama sa mga nahagip ng camera ay si Allan K na nagsabing nami-miss na nitong mag-live, habang sina Wally Bayola, Paolo Ballesteros at Jose Manalo ay binati ang kanilang fans.
Lumabas din sa video si Tito Sotto habang pinanonood ang live presentation sa kanyang phone.
Una nang ibinunyag ni Tito na bitbit nila ang 95% ng production crew ng Eat Bulaga! sa bago nilang tahanan. —sa panulat ni Lea Soriano
