Nagbabala ang National Disaster Risk Reduction and Management Council sa publiko laban sa mga text scam na gumagamit sa numero ng ahensya na may kasamang kahina-hinalang link.
Ayon sa NDRRMC, ginagamit ang naturang text message upang magpanggap na nagbibigay ng ayuda mula sa pamahalaan. Paliwanag ng ahensya, ang kanilang numero ay para lamang sa abiso at babala kaugnay ng mga sakuna.
Paalala ng NDRRMC, huwag pindutin ang mga link sa text at dumulog lamang sa opisyal na social media accounts ng Department of Social Welfare and Development at iba pang ahensya ng gobyerno para sa lehitimong impormasyon.
